Shaqiri i bashkohet Liverpoolit në SHBA

Xherdan Shaqiri është i gatshëm për aventurën e re me skuadrën angleze

Ylli shqiptar Xherdan Shaqiri do të takohet me shokët e tij të ri të Liverpoolit në Nju Xhersi, ndërsa ai do të bashkohet me turneun në Shtetet e Bashkuara të Amerikës, shkruajnë mediat ndërkombëtare.

Ai ka qenë në pushim të zgjatur për shkak të përfshirjes së tij në Kupën e Botës, por i ndërpreu kur i kaloi testet mjekësore në Liverpool, duke i vazhduar më pas, përcjell albinfo.ch.

Ai kaloi nga Stoke City për rreth 15 milionë euro, dhe tani do t’i bashkohet skuadrës.

Liverpooli të enjten do të ndeshet me Manchester Cityn në “International Championship”, por në këtë ndeshje nuk pritet të aktivizohet Shaqiri, të cilit do t’i nevojiten edhe disa ditë që të përshtatet në ekipin e ri.

Shaqiri ndodhet në Nju Jork, ku po i kalon ditët e fundit të pushimit para se t’i bashkohet nënkampionëve të Evropës.

Kalimi i tij në Liverpool ishte një hap i madh në karrierën e 26-vjeçarit, i cili gjithashtu ka luajtur në Basel, Bayern Munich dhe Inter, para se të kalonte në Stoke City.