Paraburgim babait që abuzonte seksualisht vajzën e tij

Mediat në Tiranë shkruajnë se kanë qenë murgeshat ato që kanë zbuluar ngjarjen, kur e reja ka rrëfyer për ferrin e përjetuar gjatë viteve që ka qëndruar me babanë

Policia në Tiranë ka bërë të ditur se ka arrestuar një 61-vjeçar, pas denoncimit që i ka bërë vajza e tij për abuzim seksual. Ndërsa Gjykata e Tiranës e ka caktuar masën e paraburgimit për të, pasi dyshohet se për shumë vjet ka abuzuar seksualisht vajzën e tij.

Mediat në Tiranë shkruajnë se kanë qenë murgeshat ato që kanë zbuluar ngjarjen, kur e reja ka rrëfyer për ferrin e përjetuar gjatë viteve që ka qëndruar me babanë.

Vajza e abuzuar kishte mbetur shtatzënë me të dhe e kishte abortuar fëmijën. 61-vjeçari me inicialet Q.N. ishte ndarë me bashkëshorten shumë vjet më parë.

---