Krasniqi: Çështja e “Veteranëve” nuk mund të zgjidhet nga drejtësia

Ish- kryetari i Kuvendit të Kosovës, Jakup Krasniqi ka shkruar në lidhje me ngritjen e aktakuzës ndaj 12 personave për listat e rrejshme të veteranëve.

Sipas Krasniqit, kjo lëndë nuk mund të zgjidhet nga drejtësia.

“Lajmi i sotëm që ka të bëjë me çështjen e “veteranëve” me shtyrë të mendoj goxha shumë dhe nuk munda të heshtë. Nuk e kam asnjë arsyeje që të mbrojë ndonjë anëtarë të Komisionit Qeveritar, por kam obligim që të them se kjo çështje nuk mund të zgjidhet me Sistemin e Drejtësisë. Pse?”, ka shkruar Krasniqi.

Sipas tij zgjidhja e këtij problemi është politike e jo gjyqësore.

“Se dyti, drejtësia nuk do t’i arrin dot përgjegjësit kryesor të këtij dëmi e mashtrimi të madh të historisë e të ardhmërisë. Dhe se treti, po të dënoheshin të gjithë fajtorët, më shumë do t’i kushtonin buxhetit të Kosovës sesa numri mashtrues i “veteranëve”, ka shkruar tutje Krasniqi.

Ai shkroi edhe se Kuvendi i Kosovës duhet të bëj politika duke e kthyer ketë çështje nga fillimi.

“Shoqëria demokratike nuk duhet të luan me fatin e as një individi, e sidomos atëherë kur përgjegjësit kryesor mbesin të pa prekur! Dhe krejt në fund, Veteranët e vërtetë, luftëtarët e lirisë ne një situatë të tillë do të duhej të deklaroheshin kundër këtij privilegji që deri të keqpërdorimi është ardhur për hir të votave që i kanë blerë të fuqishmit e politikës dhe të cilët këtij populli ia kanë bërë jetën ferr”, shkroi në fund Krasniqi.

---