Kosova
Diaspora kundër shkëmbimit të territoreve
Ai përmendi faktin se në Zvicër e në Gjermani, kanë nxënës, studentë e biznesmenë të shumtë që po kontribuojnë, në një mënyrë apo tjetrën, për vendin e tyre
Shukri Ymeri, Kryetari i Lobit Euro Atlantik Shqiptar, ka folur për rolin e lobeve shqiptare në politikën e jashtme të Kosovës.
Në “Express Intervistën” në KTV, ai tha se Lobi Euro Atlantik Shqiptar, është formuar më 17 nëntor 2016 dhe ka themeluar disa degë në Evropë. Ai tha se në Evropë janë dy degë shumë të rëndësishme. Njëra është Kalabria, që ka 36 shoqata, përcjell albinfo.ch.
Ymeri ndër të tjera tha se për çështje të interesit kombëtar, bashkimi i forcave të tyre, bën që të paktën të përmirësohet fusha e ekonomisë në Kosovë.
Ai, gjithashtu foli edhe për idenë e ndarjes apo shkëmbimit të territoreve mes Kosovës e Serbisë, e për këtë, ai tha se janë kundër.
“Kjo është e pakapshme. Jemi kundër asaj kur preken kufijtë shqiptarë. Kjo është pak alarmante sepse një numër i madh i të rinjve po ikin nga vendi”, tha ai.
Ai përmendi faktin se në Zvicër e në Gjermani, kanë nxënës, studentë e biznesmenë të shumtë që po kontribuojnë, në një mënyrë apo tjetrën, për vendin e tyre.
“Ne kemi shumë intelektualë. Këshilltarja e parë e zonjës Angela Merkel, ka qenë shqiptare. Lobi Atlantik Shqiptar, ka kontakte me zyrtarë të shumtë, psh, me Kukhan kemi bërë shkresa dhe ai na është përgjigjur pozitivisht për shumë gjëra. Ne duam ta kemi ndikimin tonë pozitivë për gjithë shqiptarët”, tha ai.
Sipas tij, ministritë në Kosovë e në diasporë, nuk kanë reflektuar me bashkëpunim të mirë. Ai pret të ketë më shumë bashkëpunim të mirëfilltë.
“Politizimi i mërgatës tani është bërë një problem”, tha ai.
Deri tani, thotë ai, nuk ka ndodhur ndonjë depolitizim, çka ai e sheh shumë të rëndësishme.
Ymeri foli edhe për protestat që u bënë në diasporë, kundër ndarjes apo shkëmbimit të territoreve.
“Duke marrë parasysh të kaluarën tonë, mërgimtarët janë të shqetësuar në pikën kulminante. Nëse ndodh ndarja, mund të ketë edhe eskalim total”, tha ai.
Ai tha se të rinjtë në Kosovë, duhet të mësohen me realitetin, sepse thotë s’është fare lehtë t’ia dalësh mbanë në diasporë.
Të ngjashme
Të tjera nga Kosova
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Mostransparencë e plotë në marrëveshjet mes siguruesve dhe spitaleve private Çështja shkaktoi një reagim këtë fundjavë, disa mbajtës të policave që përfitojnë sigurim plotësues nga Groupe...
-
Procedura e shpejtë e azilit zbatohet në katër nga gjashtë qendrat federale
-
Bernë: Parukierja me kombinim të pazakontë – prerje, larje dhe këshilla juridike
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h