Revista sllovene shkruan për bregdetin e Shqipërisë

Në fund të sezonit turistik një shkrim i mirë për Shqipërinë është bërë edhe nga revista sllovene “delo.si” e cila ia ka kushtuar një reportazh bukurive që ka Shqipëria dhe shumëllojshmërive të tyre.

“Shqipëria është një vend ku është e mundur të gjesh plazhe të mbushura plot jetë, ndërkohë që shmang turizmin masiv”, kështu e nfillon shkrimin kjo gazet.

Aty theksohet se ngjyra, aroma të harruara, mirësjellje, natyrë e virgjër, por edhe një milion vepra të papërfunduara, historia, çmimet, pafund paqe, kohë për të pushur dhe kohë për të biseduar… të gjitha këto të kujtojnë Shqipërinë.

Revista flet për qytetin antik të Butrintit ndërsa thotë se vetëm pak kilometra larg, është një prej plazheve më të bukur të Shqipërisë duke i dhënë një përshkrim më në detaje Ksamilit.

“Ksamili është i mbushur me turistë më shumë se sa plazhet e Sllovenisë në kulmin e sezonit. Bizneset private kanë ndarë bregdetin duke e mbushur me shezllone. Një çadër dhe dy shezllone për gjithë ditën kushtojnë tetë euro. Vendet më të mira zakonisht janë të rezervuara, kryesisht për gjithë javën. Deti është i mrekullueshëm, por do të kishte qenë më mirë nëse turistët do të ishin tre ose katër herë më pak”, shkruan  “delo.si”.

---