Bota
Pastrimi i parave me pasaporta
Nga ana tjetër, “vizat e arta”, shumë të njohura në Evropë gjatë viteve të fundit, japin para dhe investime për vendet që i lëshojnë ato, në këmbim të një leje qëndrimi ose një pasaporte
Dhënia e lejeve të qëndrimit ose pasaportave për joevropianët në këmbim të investimeve do të inkurajonte hyrjet e paligjshme të parave të pista, sipas monitorimit të OJQ-ve.
Nga ana tjetër, “vizat e arta”, shumë të njohura në Evropë gjatë viteve të fundit, japin para dhe investime për vendet që i lëshojnë ato, në këmbim të një leje qëndrimi ose një pasaporte. Por ky shkëmbim i praktikave të mira mund të ketë edhe pasoja negative, sipas të përditshmes franceze “Les Echos.fr”.
Në një raport të publikuar me titull “Në botën e trazuar të vizave të arta”, dy organizatat, “Transparency International” dhe “Global Witness” thonë se “të korruptuarit dhe kriminelët mund të gjejnë lehtësisht strehë në Evropë falë ‘mbulesës’ dhe mungesës së mbikëqyrjes së programeve të quajtur “Vizat”, transmeton ‘Scan’.
Katër vende të BE-së (Austria, Bullgaria, Qiproja dhe Malta) janë duke shitur pasaporta dhe 12 janë duke u dhënë të drejta të kushtëzuara qëndrimi për investitorët e pasur, tha raporti, përcjell albinfo.ch.
Të paktën 6,000 pasaporta dhe gati 100,000 leje qëndrimi janë “shitur” në dekadën e fundit. “Spanja, Hungaria, Letonia, Portugalia dhe Mbretëria e Bashkuar kanë dhënë më shumë se 10,000 secila”, sipas autorëve të raportit.
Këto operacione janë të mëdha: Qiproja ka mbledhur 4.8 miliardë euro që nga viti 2013 dhe Malta 718 milionë që nga hapja e një programi në vitin 2014. Një leje qëndrimi u jepet atyre që investojnë 250,000 euro në Greqi dhe Letoni, ndërsa “një pasaportë qipriote mund të kushtojë dy milionë euro”, vëren raporti.
Pastrimi i parave dhe krimi
Për eurodeputetin dhe ish-gjykatësin kundër korrupsionit në Francë, Eva Joly, “vizat e arta” janë një derë e hapur për paratë e pista dhe minojnë të gjitha përpjekjet tona për të luftuar krimin kundër pastrimit të parave dhe korrupsionit”.
Laure Brillaud, përgjegjëse për çështjet e pastrimit të parave për Transparency International Europe dhe bashkautore e raportit, shton se “këto programe u lejojnë njerëzve të korruptuar të punojnë dhe të udhëtojnë pa pengesa në të gjithë Bashkimin dhe jashtë vendit. Kjo është arsyeja pse ne po bëjmë thirrje për veprim në nivel të Bashkimit Evropian si një çështje urgjente”.
Vrasja e gazetarit maltez
Programi “Vizat e Arta” në Maltë dhe mënyra e dhënies së saj ishte një nga hetimet që gazetarja Daphne Caruana Galizia, po punonte kur ajo u vra në shpërthimin e makinës së saj më 16 tetor 2017.
Të ngjashme
Të tjera nga Bota
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Bashkëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale