Zjarr i madh në Greqinë veriore

Foto ilustrim

Greqia sërish është përfshirë nga zjarret.

Sipas raportimeve të mediave shqiptare, një zjarr i madh ka përfshirë pyjet e zonës se Halkidikisë në gadishullin Sithonia në Greqinë veriore.

Rreth 30 automjete, 60 zjarrëfikës e katër avionë, janë aktivizuar për të shuar zjarrin që ka kapluar pyjet në Greqinë veriore.

Situata është rënduar për shkak të erërave të fuqishme.

Sipas raportimeve, zjarri mendohet të ketë filluar orët e para të mëngjesit të sotëm.

Autoritetet e paraqesin gjendjen të vështirë, ndërsa fshatrat përreth kanë mbetur pa energji elektrike.

Policia po heton rastin dhe shkaqet e rënies së zjarrit.