Panucci, i pakënaqur nga kombëtaren

Trajneri i Kombëtares shqiptare, Christian Panucci, nuk ka kursyer kritikat ndaj lojtarëve, duke thënë se çdo këshillë  dhe urdhër i tij shkon në vesh të shurdhër.

Në konferencën për media para ndeshjes së 17 nëntorit kundër Skocisë, të vlefshme për Ligën e Kombeve, italiani ka kërkuar angazhim më të madh nga lojtarët e kombëtares. 

Panucci nuk dha përgjigje të drejtpërdrejtë nëse do të largohet nga ekipi kuqezi në rast humbjeje, por tha se një rezultat negativ do të ishte i vështirë për të gjithë.

“Në ndeshjen me Skocinë e merituam humbjen, nuk luajtëm mirë, vuajtëm shumë. Në “Elbasan Arena” do të jetë ndryshe, pasi Shqipëria bën lojë të mirë në shtëpi. Kemi pësuar 3 gola nga goditjet standarde. Me duket sikur merrem me një skuadër të “shurdhët”, duhet të përsëris çdo gjë me lojtarët që më duket sikur nuk më dëgjojnë, pasi nuk zbatojnë urdhrat”, u shpreh tekniku italian.