Super gol nga Pajtim Kasami

Pajtim Kasami ka pesë gola dhe dy asistime këtë sezon në Superligën Zvicerane

Mesfushori shqiptar, Pajtim Kasami është në top formë në këtë sezon. Ai edhe në ndeshjen e fundit ishte futbollisti më i mirë i ndeshjes për Sionin, që shënoi fitore të rëndësishme ndaj Luzernit në shtëpi me rezultat 2:0.

Kasami dhe Bastien Toma ishin nga fillimi për Sionin, derisa Shkëlqim Demhasaj, luajti 66 minuta për Luzernin.

Kasami në minutën e 79-të, kaloi në epërsi vendasit me një super gol. Mesfushori shqiptar driblon bukur mes dy kundërshtarëve dhe me një gjuajtje nga distanca shënon për 1:0. Ky ishte padyshim një nga golat më të bukur në këtë sezon në Zvicër.

Më pas Kasami asistoi për Mvend në minutën e 96-të për 2:0. Pajtim Kasami ka pesë gola dhe dy asistime këtë sezon në Superligën Zvicerane.

Sion ndodhet në vendin e pestë me 20 pikë, derisa Luzern në vendin e shtatë me 19.

---