Gjendet një sarkofag i lashtë në Turqi

Një sarkofag i lashtë romak është gjetur në rajonin turk të Egjeut, njoftuan zyrtarët lokalë. Zyrtarët në Muzeun e Arkeologjisë Nënujore të Kalasë së Bodrumit gjetën varrezën e periudhës së vonshme romake pas rrëshqitjes së dheut në qytet, pjesë e provincës turke Mugla, përgjatë bregdetit të Detit Egje.

Ekspertët nga Drejtoria e Muzeve dhe komuna kanë filluar të punojnë në zonë dhe po përpiqen ta përcaktojnë datën e saktë të sarkofagut dhe të mbledhin më shumë detaje, përcjell albinfo.ch.

Mbetjet e sarkofagut janë vënë nën mbrojtjen e zyrtarëve të Drejtorisë së Muzeve. Kalaja e Bodrumit u ndërtua nga Kalorësit e Shën Gjonit në shekullin XV.

Muzeu i Arkeologjisë Nënujore në afërsi përmban koleksione të amforave dhe gjësende antike të qelqit, bronzit, argjilës dhe hekurit, dhe thuhet se është muzeu më i madh i këtij lloji.