Policia në Prishtinë sekuestron 113 kg heroinë, gjendet një person i vdekur

Policia e Kosovës njofton se ka një fletarrestim për nënkryetarin e Listës Serbe, Milan Radoiçiq, i cili është duke u hetuar në rastin e vrasjes së liderit të serbëve të Kosovës, Oliver Ivanoviqit. Lajmin për këtë e ka konfirmuar drejtori i Policisë së Kosovës, Rashit Qalaj, në një konferencë për media, ku u fol për sukseset e Policisë së Kosovës në planet operative për vitin 2018.

Policia e Kosovës ka dhënë edhe detaje për rastin e konfiskimit të 113 kilogramëve heroinë  dhe arrestimin e 4 personave për këtë rast. Drejtor i Departamentit për Hetime në Policinë e Kosovës, Riza Shillova, tha se Policia qe një kohë të gjatë ka qenë duke e hetuar këtë grup, shkruan albinfo.ch

Ai gjithashtu ka sqaruar se sasia e narkotikëve është gjetur në vendin ku policia e ka gjetur edhe një trup të pajetë. “Katër të arrestuarit janë shtetas të Shqipërisë dhe sa i përket luftës ndaj narkotikëve, kërkoj gjithashtu ndihmën e shteteve fqinje, pasi është një problem global. Detaje të tjera për rastin nuk mund të zbuloj”, ka thënë Shillova.