Qeveria e Kosovës, donacion për spitalin e Mitrovicës së Veriut

Kosova asnjëherë nuk ka marrë veprime që cënojnë apo rrezikojnë mirëqenien dhe shëndetin e qytetarëve të saj, kështu ka thënë këshilltari i Kryeministrit të Kosovës Ramush Haradinaj, Avni Arifi.

Ai përmesë një njoftimi tha se është liruar një donacion për Qendrën Spitalore në Mitrovicën e Veriut.

“Nuk ka krizë. Kosova sot ka liruar donacionin lidhur me medikamente dhe pajisje mjekësore dedikuar Qendrës Spitalore në Mitrovicën e Veriut me vlerë prej €242,356. Taksa është për shtetin e Serbisë dhe politikën e saj e jo për qytetarët tanë”, ka thënë Arifi.

Ai gjithashtu ka thënë se Veprimet tona po e zhveshin propagandën e qeverisë së Serbisë se taksa 100% krijon krizë humanitare.