O’Connell: Britania mbështet transformimin e FSK-së

Britania e Madhe është shteti tjetër që ka dhënë mbështetje për transformimin e FSK-së në ushtri. Këtë e ka konfirmuar ambasadori britanik në Prishtinë, Ruairi O’Connell, gjatë një komunikimi online në faqen e tij në Facebook.

“Mbretëria e Bashkuar beson se është e drejtë e Kosovës të krijojë forcat e saj të armatosura. Ne vazhdojmë të inkurajojmë Kosovën të sillet me përgjegjësi dhe me transparencë dhe në konsultim me aleatët e NATO-s, si dhe të respektojë angazhimin e saj ndaj KFOR-it, përfshirë edhe shkëmbimin e letrave të vitit 2012-2013”, ka thënë O’Connell.

Ai ka shtuar se Mbretëria e Bashkuar e ka përkrahur në vazhdimësi Kosovën në këtë aspekt, përfshirë trajnime për TMK-në e FSK-në.