E-Diaspora
Fluturimet nga Gjermania për Prishtinë me 70 për qind vonesë apo dështime
Pasagjerët nëpër relacionet europiane janë vënë në provë të durimit gjatë vitit të kaluar
Pasagjerët nëpër relacionet europiane të aviokomunikacionit, janë vënë në provë të durimit gjatë vitit të kaluar. Në disa nga relacionet e hetuara “as një e treta e të gjitha fluturimeve të planifikuara nuk është realizuar sipas orarit”, ka shkruar të hënën portali i pasagjerëve “Airhelp”, përcjell Albinfo.ch.
Në fakt, 15 nga 50 relacionet e testuara me vonesat më të mëdha dhe anulime, fillimin ose përfundimin e tyre e kishin në Gjermani, pra rreth një e treta.
Megjithatë, shumica e problemeve ishin në relacionin ndërmjet Mykonos në Greqi dhe Londër-Gatwick, siç shpjegoi Airhelp. Në vitin 2018, më shumë se tre të katërtat e të gjitha fluturimeve janë prekur nga vonesat ose anulimet. Në radhët e tjera të relacioneve me probleme, u radhitën lidhjet midis Lisbonës dhe Romës-Ciampino me 74.3 për qind të fluturimeve në fjalë dhe nga Lisbona në Bruksel, me rreth 74 për qind, përcjell tutje albinfo.ch.
Sipas Airhelp, sidomos nga Frankfurt am Main për në Prishtinë, Kosovë, pasagjerët në Gjermani është dashur të planifikojnë shumë kohë: Rreth 70 për qind e të gjitha fluturimeve në këtë rrugë, në vitin 2018 janë vonuar apo kanë dështuar. Pasagjerët që kanë dashur të udhëtojnë nga Roma-Fiumicino në Köln/Bon (66.5 për qind) ose nga Katania në Shtutgart (65.7 për qind) gjithashtu kanë qenë të prekur rëndë, transmeton albinfo.ch.
Ndër të tjera, Airhelp për problemet i fajësoi grevat e pilotëve irlandezë në kompaninë me kosto të ulët Ryanair dhe luftën e tregut në prag të falimentimit të Air Berlin.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve