Presidenti Meta nuk e dekreton Gent Cakajn si ministër në Shqipëri

Presidenti i Shqipërisë, Ilir Meta, ka refuzuar të dekretojë emërimin e Gent Cakajt si ministër për Europë dhe Punë të Jashtme.

Meta ka thënë se Cakaj nuk ka përvojë dhe se i njëjti ka mbajtur qëndrime publike të papranueshme për çështjen e kufijve të Kosovës.

Cakaj është i vetmi ministër, i cili është propozuar nga ana e kryeministrit Rama dhe nuk është dekretuar.

Ministrat e tjerë të propozuar nga Rama janë dekretuar.

Ministrat e dekretuar janë: Besa Shahini, ministre e Arsimit në vend të Lindita Nikollit,Anila Denaj, në vend të Arben Ahmetajt si ministre e Financave dhe e Ekonomisë, Belinda Balluku si ministre e Infrastrukturës në vend të Damian Gjiknurit dhe Elva Margariti, ministre e Kulturës në vend të Mirela Kumbaros.