Autotech
Facebook mund të gjobitet me mbi 22 milionë dollarë
Rrjeti social Facebook mund të ndëshkohet me një gjobë rekorde për shkelje të një marrëveshjeje ligjore për të mbrojtur të dhënat personale dhe privatësinë e përdoruesve.
Dënimi, i caktuar përmes Komisionit Federal të Tregtisë (FTC), pritet të tejkalojë gjobën prej 22.5 milionë dollarë të imponuar ndaj kompanisë Google, në vitin 2012.
Google u godit me gjobë të madhe për anashkalimin e kontrolleve të privatësisë në aplikacionin Safari të drejtuar nga Apple, shkruan DailyMail.
Dy burime të njohura me situatën i thanë ‘Washington Post’ se gjetjet e hetimeve të FTC-së dhe shuma e gjobës nuk janë finalizuar ende.
Një burim i tretë tha se komisionerët janë informuar për hetimin dhe një vendim do të merret së shpejti.
FTC filloi të hetojë Facebook-un pasi u zbulua se “Cambridge Analytica” kishte marrë informacion nga më shumë se 87 milionë përdorues.
Në vitin 2011, Facebook arriti një zgjidhje me FTC-në pasi u zbulua se kompania kishte shfrytëzuar në mënyrë të përsëritur të dhënat e përdoruesve. Agjencia po përpiqet të shohë nëse kjo zgjidhje është keqpërdorur me shkeljen e fundit, shkruan telegrafi, përcjell albinfo.ch
“Agjencia tani ka autoritetin ligjor, provat dhe mbështetjen publike për të vepruar. Nuk mund të ketë justifikim për vonesa të mëtejshme”, tha Marc Rotenberg, drejtor ekzekutiv i Qendrës së Informacionit të Privatësisë Elektronike.
Sipas kushteve të marrëveshjes, Facebook duhej të merrte lejen e përdoruesve përpara se të ndante të dhënat me palët e treta, që ndryshojnë nga cilësimet aktuale të privatësisë.
Gjithashtu kërkoi që Facebook të informonte FTC-në nëse dikush po keqpërdorte informacionin.
Nëse Facebook dënohet, do të ishte ndëshkimi më i keq i miratuar kundër gjigantit të teknologjisë për trajtimin e tmerrshëm të të dhënave të përdoruesve.
U.K. ia dorëzoi Facebook-ut një gjobë prej 640,000 dollarësh dhe përveç kësaj, avokati i përgjithshëm i Uashingtonit D.C. shpreson të nisë një padi masive kundër kompanisë në fjalë.
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Gjeneva
Festivali Ndërkombëtar i Filmit në Gjenevë për 4 vjet me radhë sjell fima shqiptarë
Jeta në Zvicër
-
OECD: Aktiviteti i ngadaltë ekonomik ngadalëson rritjen në Zvicër Aktiviteti i ngadaltë ekonomik po rëndon rritjen, me Produktin e Brendshëm Bruto (PBB) të Zvicrës që...
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale
-
Qeveria zvicerane do të përdorë të dhënat e telefonit për të identifikuar azilkërkuesit
-
Fillon Programi kundër ngacmimit në Gjenevë