Mbyllet Brezovica për dy ditë, mund të ketë ortekë të tjerë

Zëvendësministri i Diasporës, Arian Daci, ka vdekur nga një ortek që ka ndodhur në Brezovicë. 

Drejtori i Agjencisë për Mbrojtje të Mjedisit në Kosovë, Ilir Morina, ka thënë se pas vdekjes së zv.ministrit Daci, ata kanë marrë vendim për mbylljen e qendrës së skijimit në Brezovicë për dy ditë, pasi ekziston mundësia që të ketë ortekë të tjerë. 

Morina ka thënë se qendra do të mbyllet edhe për arsyen se do të vazhdojnë hetimet për rastin. 

Ai po ashtu ka njoftuar se gjatë ditës kanë ndodhur  dy ortekë, e njëri nga ta i ka zënë dy persona. Prokurori i rasti ka thënë se janë kryer të gjitha ekzaminimet e trupit të pajetë të zv.ministrit. 

Prokuror Burim Qerkini ka thënë se për shkak të kushteve ata nuk kanë mundur të shkojnë në vendin e ngjarjes për do të vazhdojnë hetime nga nesër. 

Ai ka thënë se vdekja e zv.ministri ka ndodhur rreth orës 14, ndërsa trupi i pajetë i tij është dërguar në Institutin e Mjekësisë Ligjore për obduksion. 

“Nga informacionet preliminare që kemi  marrë nga dëshmitarët, rasti ka ndodhur jashtë pistës së skijimit, ku një grup skitarësh kanë shkaktuar vetë ortekun e borës”, ka thënë prokurori Burim Qerkini.