Qeveria shqiptare tejkalon limitin e borxhit

Qeveria e Shqipërisë e ka tejkaluar limitin e borxhit për këtë vit. Stoku i borxhit ka arritur në 8.7 miliardë dollarë

Qeveria e Shqipërisë për 6-mujorin e parë e ka tejkaluar limitin e borxhit të përgjithshëm që është parashikuar për vitin 2013. Në ligjin e buxhetit të shtetit, thuhet se huamarrja vjetore do të jetë deri në 28019 milionë lekë, ndërsa deri në gjysmën e parë të këtij viti, qeveria në Tiranë e ka tejkaluar këtë shifër.

Në raportin gjashtëmujor të borxhit, thuhet se vetëm borxhi i jashtëm ka arritur në 3.7 miliardë dollarë, ose me një shtesë për 6 muaj prej 140 milionë USD.

Në buxhet qeveria ka parashikuar të marrë 357 milionë USD borxhe nga jashtë. I gjithë totali i borxhit publik në 6-mujorin e parë ka arritur në 871.538 miliardë lekë, ose rreth 8.7 miliardë dollarë, raporton “Panorama”.

Në krahasim me vitin e kaluar, siç thuhet në raport, borxhi është rritur me 43.557 miliardë lekë, ose rreth 430 milionë USD