Kosova
Kosova dhe Serbia mund të jenë shembull i modelit Gjermani-Francë
Presidenti Hashim Thaçi ka marrë pjesë në panelin e sigurisë në Munih, ku së bashku me homologun e tij serb, Aleksandër Vuçiq dhe Komisionarin e BE-së, Johanes Hahn, kanë diskutuar për arritjen e një marrëveshjeje midis Kosovës dhe Serbisë.
Presidenti Thaçi ka thënë se Kosova dhe Serbia mund të jenë shembull në arritjen e paqes, siç është shembulli Francë – Gjermani, shkruan mediat kosovare, përcjell albinfo.ch.
“Sot isha vërtet i fokusuar në arritjen e një marrëveshjeje mes Kosovës dhe Serbisë. Dje kam dëgjuar se Vuçiq ka thënë se do ta mbrojë fuqishëm Serbinë. Unë me të vërtetë nuk e kuptoj se nga çfarë duhet ta mbrojë ai Serbinë këtu”.
“Nuk kemi nevojë ta luajmë viktimën këtu. Ne e dimë mirë se kush ka qenë viktima dhe kush agresori. Ne kemi trupat e NATO-s në Kosovë dhe organizatat ndërkombëtare. Mirëpo, Vuçiq ende nuk e kupton faktin se Kosova është shtet i pavarur dhe sovran”.
“Edhe pse do të jetë shumë e vështirë, jam ende optimist për arritjen e një marrëveshjeje, sepse tani jemi të gatshëm të ulemi dhe të bisedojmë. Ne kemi mendime të ndryshme, por së paku flasim me njëri-tjetrin”.
“E di se duhet të arrihet një kompromis midis Prishtinës dhe Beogradit sepse njohja nga kjo e fundit nuk do të vijë si dhuratë. Ky kompromis do të arrihet me ndihmën e Bashkimit Evropian”.
“Prandaj unë ftoj të gjithë partnerët që të na mbështesim në këtë proces. Ajo që është e re, është fakti se edhe Rusia e pranon këtë marrëveshje”.
“Prandaj një marrëveshje e tillë mund të fitojë njohje ndërkombëtare. Kosova the Serbia mund të jenë shembull në arritjen e paqes siç është rasti midis Gjermanisë dhe Francës”.
“Ata po flasin për hapjen e Kutisë së Pandorës, por unë mendoj se kjo kuti veç është e hapur në Ballkan. Nëse nuk e arrijmë një marrëveshje për normalizim të marrëdhënieve, atëherë rrezikojmë që të ketë më shumë ndikim të huaj në rajon”.
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Nëntë kilometra bllokim trafiku përpara tunelit Gotthard Të shtunën ka pasur sërish bllokim trafiku para portaleve të tunelit Gotthard. Udhëtarët duhej të prisnin...
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve
-
Transmetuesit publikë zviceranë tërhiqen nga X/Twitter