Peticion për anulimin e Brexit, numri i nënshkrimeve arrin në më shumë se 2,5 milionë

Më shumë se 2,5 milionë njerëz kanë nënshkruar një peticion duke i kërkuar Qeverisë britanike të anulojë Artikullin 50 dhe të anulojë Brexit.

Madje, sipas mediave britanike, numri i firmave në dokument vazhdon të rritet me shpejtësi këtë mëngjes përkundër faktit se Theresa May ka thënë se ajo nuk besonte në ndalimin e procesit.

Peticioni vlerësohet të jetë i dyti më i madh në historinë e vendit, pasi ka kaluar një thirrje për të ndaluar Donald Trump që të vjen në Britani të Madhe.

Shumica e të interesuarve për një gjë të tillë thuhet të kenë qenë nga Cambridge, Brighton, Bristol, Oxford dhe Edinburg, shkruan telegrafi, përcjell albinfo.ch

Gjithsesi, ka të tillë që mendojnë se peticioni duhet të pranohet vetëm kur arrin të njëjtin numër të nënshkrime sa ishte numri i njerëzve që votuan për t’u larguar në referendum.

Shkaku i nënshkrimeve të shumta, faqja e internetit për këtë, kishte pasur probleme nën vëllimin e madh të njerëzve që dëshironin të nënshkruanin peticionin ose njerëzit që e freskonin atë për të parë numrin total.