3 gola për 9 minuta, Zvicra ka pësuar edhe më keq

Barazimi i fundit bëri bujë në Zvicër, por gjatë historisë, ka pësuar edhe më keq

Zvicra të martën kundër Danimarkës ka pranuar tre gola për nëntë minuta në barazimin dramatik 3:3. Por, helvetikët kanë pësuar edhe më keq gjatë historisë së tyre.

Në viti 1954, në Kampionatin Botëror, Zvicra ishte duke fituar 3:0, por pastaj vjen radha e austriakëve, shkruan ‘Blick’.

Austria shënon me Wagner (25’), Körner (26’) dhe përsëri Wagner (27’) e barazojnë lojën në më pak se katër minuta. Është një lojë e çmendur që austriakët në fund e fitojnë 7:5, përcjell albinfo.ch.

Botërori zhvillohet në Zvicër dhe mbahet mend si një nga ndeshjet më të çmendura në histori.

Një vit më vonë vjen një humbje historike nga Hungaria 4:5, ku zviceranët ishin duke udhëhequr 1:0, por hungarezët për gjashtë minuta shënojnë tre gola, përcjell tutje albinfo.ch.

Në kualifikimet për Kupën e Botës më 2013, Zvicra ishte duke fituar 4:1, por islandezët në 34 minuta e fundit shënojnë tre herë.

Mjaft e hidhur edhe humbja kundër Bashkimit Sovjetik në kualifikueset e Kupës së Botës më 1985, kur zviceranët humbën 0:4.

Katër gola në 41 minuta, Zvicra pranoi në ndeshjen miqësore më 1980 në Argjentinë. Një gol e realizoi edhe Maradona.

---