Një tërmet i lehtë godet Kosovën

Në ora 9.15, një termet me rreth 3.7 shkallë, ka goditur Prishtinë dhe Vushtrrinë, ndërsa dridhjet janë dëgjuar edhe në pjesët tjera të Kosovës

Foto ilustrim

Një tërmet i lehtë ka goditur të dielën në mëngjes Republikën e Kosovën. Sipas medieve lokale, në ora 9.15 një termet me rreth 3.7 shkallë të Rihterit, ka goditur Prishtinë dhe Vushtrrinë, ndërsa dridhjet janë dëgjuar edhe në pjesët tjera të Kosovës.

Epiqendra e tërmetit thuhet se ka qenë në Serbi, ndërsa burimet zyrtare sizmologjike të Serbisë thonë se tërmeti ka qenë në 3.7 shkallë të Rihterit.

Ndryshe Kosova kryesisht pjesa lindore e vendit, është zonë aktive sizmologjike. Edhe më herët në këtë regjion ka pasur tërmete, por jo me intensitete të lartë. Tërmeti i fundit ka ndodhur në vitin 2002 në Gjilan, ku për pasojë ka lënë një person të vdekur dhe shumë shti të demoluara.

Ndërsa vetë një javë më parë një tërmet me intensitet të ulët ka goditur kryeqytetin e Maqedonisë, Shkupin. Sipas informacioneve që ka dhënë Qendra Evropiane për Sizmologji, tërmeti ka qenë 16 kilometra nga qendra e Shkupit, ndërsa nuk ka shkaktuar dëme, përveç frikës tek qytetarët.