Edhe luftëtarët e UÇK-së ikin nga Kosova: Nuk ka shpresë këtu!

Xhevdet Qeriqi, kryetar i Këshillit për Mbrojtjen e të Drejtave të Veteranëve, ka paralajmëruar shpërnguljen në Perëndim.

Sipas tij, shpresat për një jetë më të mirë në Kosovë janë shuar, shkruan albinfo.ch.

“Sot aplikova për termin për vizë drejt Perëndimit, vitin e ardhshëm po besoj po ecim prej Kosovës tonë të dashur. Shpresat për një jetë më të mirë këtu tashmë përfundimisht janë shuar”, ka shkruar Qeriqi në Facebook.

Përndryshe, kohët e fundit janë bërë të shpeshta rastet kur të rinjtë e Kosovës po e lënë vendin në kërkim të një jete më të mirë, e në mesin e atyre që po ikin ka edhe luftëtarë të UÇK-së./Albinfo.ch/