Kongresistja citon Kuranin për t’iu përgjigjur Trump-it

Kongresistja myslimane e Minnesotas, Ilhan Omar, u kritikua nga presidenti amerikan, Donald Trump, se ajo punon kundër interesave të Izraelit dhe të SHBA-së.

Këto komente erdhën pasi ajo kërkoi hetim mbi lobin izraelit në SHBA.

Ajo iu përgjigj Trump-it, pas deklaratave të tij se ajo “nuk e do Izraelin”.

“Zoti im, fali njerëzit e mi, sepse ata nuk e dinë”, shkroi Omar në llogarinë e saj në Twitter.

Ajo i citoi fjalët e Profetit Muhamed, të cilat janë të shkruara në Kuran, shkruan Express, përcjell albinfo.ch.

Omar u kritikua nga presidenti Trump dhe njerëz të afërt të saj se ka fjalor antisemitik, duke kritikuar lobin izraelit në Amerikë.

Kritikat e shumta e detyruan atë të kërkojë falje publikisht ndaj njerëzve që janë ndier të ofenduar nga deklaratat e saj.

Omar është një refugjate myslimane nga Somalia, e cila arriti të zgjidhet kongresiste nga radhët e demokratëve, duke përfaqësuar shtetin e Minnesotas.