Përkujtohen të pagjeturit në Kosovë

Presidenti i Kosovës, Hashim Thaçi ka shkruar se të pagjeturit janë plaga më e rëndë e shoqërisë kosovare.

Ai gjatë ditës së sotme së bashku me kryeministrin Ramush Haradinaj bënë homazhe te Obelisku memorial i të Pagjeturve i cili gjendet para Kuvendit të Kosovës.

‘Të pagjeturit janë plaga më e rëndë e shoqërisë sonë. Jo vetëm më 27 prill, por përherë jetojmë me mungesën e tyre dhe me dhimbjen për ta”, ka shkruar Thaçi.

Ai ka shkruar se të pagjeturit janë plagë e hapur e dhimbje e vazhdueshme.

“Të pagjeturit janë plagë e hapur dhe dhembje e vazhdueshme për secilin nga ne, tash e njëzet vjet. Institucionet e vendit nuk do të rreshtin së kërkuari të pagjeturit dhe drejtësi për viktimat e luftës. Plagët e luftës së fundit nuk mund të mbyllën dhe nuk mund të ketë paqe të qëndrueshme pa ndriçimin e plotë të të vërtetës së luftës në Kosovë”, ka shkruar Haradinaj.