Trazira në protestën e opozitës që po zhvillohet në Tiranë

Disa protestues kanë hedhur bomba molotov dhe shashka para Kryeministrisë.

Para protestuesve doli edhe kreu i Partisë Demokratike, Lulzim Basha, i cili tha se nuk jemi në protestë për pushtet, por për një transformim kushtetues dhe zgjedhor, shkruan DW, përcjell albinfo.ch.

“Nuk do të ketë zgjedhje më 30 qershor”, tha Basha para përkrahësve. Ai tha se kjo nuk është lojë. “O Shqipëri europiane, o betejë deri në fund”.

Protestuesit kanë tentuar edhe të thyejnë kordonin e policisë. Ministri i Punëve të Brendshme i Shqipërisë, Sander Lleshaj, ka bërë thirrje në Twitter që “qytetarët e ndërgjegjshëm të distancohen nga sulmi ndaj institucioneve. Me molotov nuk ndërtohet demokracia, por synohet të shkatërrohet Shqipëria”, u shpreh Lleshaj.