ILO: Gratë dhe burrat në pozita udhëheqëse në Shqipëri paguhen njëjtë

Një studim i kohëve të fundit nga Organizata Ndërkombëtare e Punës (ILO) në lidhje me Shqipërinë tregon se gratë paguhen sa burrat (kjo po ndodh edhe në Bosnjë e Herzegovinë), përcjell albinfo.ch.

Rezultatet janë nga publikimi më i fundit i ILO-s lidhur me gratë në biznes dhe menaxhim. 

Hulumtimi tregon gjithashtu se në Shqipëri vetëm 23% e grave janë në pozita udhëheqëse. Kjo është një nga normat më të ulëta në Evropë. Ka vetëm 5 vende evropiane që kanë norma më të ulëta se Shqipëria, dy prej tyre janë vendet fqinje, Mali i Zi dhe Maqedonia e Veriut, përcjell albinfo.ch.

Një botim i fundit nga Instituti Kombëtar i Statistikave (INSTAT) tregoi se shumica e grave shqiptare janë të diplomuara në fushën e mjekësisë, arsimit, ekonomisë, ligjit, shkencave njerëzore, shkencave natyrore etj, përcjell albinfo.ch.

Gjithashtu, sipas ILO, Shqipëria është i vetmi vend në Evropë me përqindjen më të lartë (50%) të grave që kanë diplomuar në shkencë, teknologji, inxhinieri dhe matematikë. Në vitet e mëparshme, ajo ishte 32%, nën nivelin e vendeve të tjera evropiane.