Trefishim i numrit të incidenteve të ekstremistëve të djathtë në Zvicër

Në vitin 2018 janë regjistruar 53 incidente me bazë ekstremizmin e djathtë. dhe 226 nga ekstremistët e majtë

Numri i incidenteve të shkaktuara nga ekstremizmi i djathtënë Zvicër gjatë vitit 2018është trefishuar në krahasim me një vit më parë, thuhet në raportin më të ri vjetor të publikuar nga Shërbimi Informativ Federal (NDB), shkruan sda.ch.

Gjithsej në vitin 2018 janë regjistruar 53 incidente me bazë ekstremizmin e djathtë, transmeton albinfo.ch. Në raport thuhet se skena e djathtizmit ekstrem është duke u rritur me të madhe. Një numër i madh i grupimeve të këtij orientimi politik po menaxhojnë faqe publike interneti. Po ashtu sipas raportit në fjalë , ekstremistët e djathtë në Zvicër zotërojnë sasi të madhe armësh që funksionojnë.

Ndërkaq, numri i ekstremistëve të majtë edhe në vitin 2018 ka qenë më i madh se ai i ekstremistëve të djathtë. Shërbimi Federal i Informimit ka regjistruar 226 incidente të shkaktuara nga ekstremistët e majtë, që është për 13 për qind më shumë se në vitin paraprak.

Akuzave se  nuk po ndërmerret asgjë kundër ekstremizmit të djathtë në rritje, drejtori i NDB-së, Jean-Philipp Gaudin i është përgjigjur duke mohuar. “Ne trajtojmë ekstremizmin e dhunshëm nga e majta deri te e djathta saktësisht njësoj. Ne nuk jemi të verbëruar”, ka deklaruar ai.

---