Kosova
Clinton në Prishtinë, tregon si u falënderua nga një kamerier shqiptar në New York
Ish-presidenti amerikan, Bill Clinton, ka mbajtur fjalimin e tij para të pranishmëve në 20-vjetorin e çlirimit të Kosovës.
Ai para të pranishmëve ka thënë se Shtetet e Bashkuara të Amerikës e kanë ndihmuar Kosovën, pavarësisht se kush ka qenë në pushtet në Shtëpinë e Bardhë.
Clinton përmendi faktin që pasardhësi i tij në krye të SHBA-së, Xhorxh Bush, ishte ai që njohu pavarësinë e Kosovës, përkundër që ai vinte nga një parti tjetër, nga ish-presidenti Clinton.
“NATO funksionon më së miri në botë. Gjeneral Clarku ishte komandant, por ishin 90 shtete demokratike që e përkrahnin atë veprim, i cili shpresoj të mos përsëritet. SHBA-ja ka qenë pranë jush që 20 vjet, pavarësisht se cfarë partie politike ka qenë në Shtëpinë e Bardhë. Pasardhësi im, Xhorxh Bush, njohu shtetin e Kosovës. Ju keni arritje, natyrisht që keni punë për të bërë, por shikoni se në cfarë keni arritur”, ka thënë ish-presidenti Clinton.
Ish-presidenti i SHBA-së gjithashtu e ka rikujtuar momentin kur një kamerier nga Kosova që punonte në një restorant në New York i ishte përulur në gjunjë në shenjë falënderimi.
“Janë bërë 19 vjet që kam dalë nga Shtëpia e Bardhë. Një nga ngjarjet më të mrekullueshme që më ka ndodhur ndonjëherë ishte kur një kamerier kosovar më ishte përulur në gjunjë për ndihmën që i kisha dhënë Kosovës. Më pëlqen shumë Kosova, jam pro migrimit, por unë dua që qytetarët të qëndrojnë këtu, të ndërtojnë punë, biznese, për të zhvilluar të ardhmen e Kosovës”, ka thënë Bill.
Presidenti Clinton gjithashtu ka thënë se i pëlqen shumë Kosova.
“Unë jam promigrimit, por unë dua që çdo qytetarët i vetëm duhet të qëndrojë këtu, për të ndërtuar biznese dhe për të zhvilluar të ardhmen. Çfarë të bëni në 10 vjetët e ardhshme. Ku dëshironi të arrijë vendi juaj. Kam marrë një kurajo të madhe që ju të luftoni për jetën dhe familjet tuaja. Kam marrë një kurajo tjetër që të dorëzoni armët dhe t’i krijoni lidhjet dhe të diskutoni për dallimet tuaja dhe të mendoni për të ardhmen”, ka shtuar Clinton.
Të ngjashme
Të tjera nga Kosova
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla