Sonte, për Ditën e Çlirimit të Kosovës, vjen në Zvicër filmi “Kësulat”

Në 20-vjetorin e çlirimit të Kosovës, platforma mediale albinfo.ch dhe distribucioni zviceran Spot on kanë sjellë në Zvicër  filmin kosovaro-britanik të luftës “Kësulat”.

Deri tani janë shitur një numër i konsiderueshëm i biletave në formën online, por për ata që nuk kanë pasur mundësi të sigurojnë biletat në mënyrë elektronike, janë në dispozicion edhe një numër biletash që shiten në arkat e kinemave ku shfaqet filmi.

Për këtë arsye, njoftojmë të gjithë të interesuarit që duan të shikojnë filmin “Kësulat” se biletat mund t`i sigurojnë drejtpërdrejt, pak para fillimit të filmit: në kinemanë “Bourbaki” në Luzern nga ora 17 e 50 dhe në kinemanë RiffRaff në Zürich, nga ora 18 e 40.

Në Luzern, filmi jepet me fillim nga ora 18.20, ndërsa në Zürich, me fillim nga 19. 10 dhe 21. 40.