Problemi me bateritë detyron Apple t’i tërheqë modelet MacBook Pro

Kompania e njohur amerikane ‘Apple’ njoftoi sot se ka vendosur t’i largojë nga tregu disa prej modeleve të vjetra të MacBook Pro, për shkak se bateritë e tyre mund të nxehen dhe mund të përbëjë rrezik për zjarr.

AFP raporton se largimi përfshin modelin MacBook Pro 15 me ekran Retina, një seri që ka dalë në treg mes periudhës shtator 2015-shkurt 2017, e cila do të zëvendësojë pa pagesë bateritë e vjetra, përcjell albinfo.ch.

‘’Kjo procedurë përfshin disa shtete. Në Kinë rreth 63.000 laptopë mund të jenë me defekt pjesë e tërheqjes për riparim’’, njoftoi Administrata Kombëtare Rregullatore e Tregut.

Rregullatori kinez identifikoi gjashtë raste të mbinxehjes së baterisë te laptopët e etiketuar që do të tërhiqen nga tregu në Kinë.