Albinfo, sërish debat për identitetet e shumëfishta të Secondo-ve

Pas Llozanës, Albinfo.ch organizon debat mbi temën ”Secundos: Identitetet e shumëfishta, pa komplekse” edhe në St. Gallen të Zvicrës.

Portali Albinfo.ch do të bëjë bashkë më 6 qershor në St. Gallen të rinj me prejardhje shqiptare, si dhe të huaj, por edhe migrantë të brezit të parë, qytetarë zviceran, specialistë, dhe studentë.

Edhe këtë herë në fokus të debatit do të jetë filmi dokumentar i Elena Avdija: „A është më mirë këtu apo atje?”.  Me dokumentarin në fjalë do t’u mundësohet  pjesëmarrësve dhe publikut të shtrojnë shumë pyetje në lidhje me dilemat dhe gërshetimet e identiteteve të shumta, si bëjnë gjeneratat e dyta me prejardhje nga familje emigrante me sistemet e vlerave të përziera? Si e përjetojnë të ashtuquajturit “secundos” identitetin e tyre të shumëfishtë, trashëgiminë e tyre kulturore në mes të prindërve dhe të shoqërisë zvicerane?  Çfarë masash duhen për të promovuar një identitet të shumëfishtë mes trashëgimisë kulturore të prindërve dhe shoqërisë zvicerane ?

Në të gjitha këto pyetje  rreth temës së  identitetit, vlerave, të të ashtuquajturve “Secondos në Zvicër do të japin përgjigje panelistët:  Etrit Hasler, deputet  kantonal i SP-së, Peter Tobler, zyrtar për integrim në qytetin e St. Gallenit; Qendresa Sadriu, të rinjtë e SP-së, Juso në Glatbrugg, Arber Bullakaj, ansableist në Wil, Blerim Bunjaku nga EVP Winterthur.

Më shumë informacione për debatin në St.Gallen: “Secondos: Mahrfachidentität ohne Komplexe”