Aksident në aksin Lezhë-Shëngjin, lëndohen gjashtë persona

Gjashtë persona raportohet të jenë lënduar si pasojë e një aksidenti në aksin rrugor Lezhë- Shëngjin, përcjell albinfo.ch.

Siç ka njoftuar policia, mes vete janë përplasur dy vetura, njëra drejtohej nga një shtetas i Kosovës, e tjetra nga një banor i Lezhës.

Të lënduarit janë dërguar në spital, e në mesin e tyre raportohet se është edhe një i mitur.

Njoftimi i Policisë:

Në aksin rrugor Lezhë- Shëngjin, në vendin e quajtur “Lagje e Shaljanëve”, mjeti me drejtues shtetasin K.N.,24 vjeç, banues në Lezhë, është përplasur me mjetin me drejtues shtetasin A.K., 36 vjeç, banues në Kosovë. Si pasojë e përplasjes kanë marrë dëmtime dhe janë transportuar në Spitalin Rajonal Lezhë, drejtuesit e mjeteve si dhe shtetasit: E.V., 28 vjeç, banues në Tiranë; L.N., 20 vjeç, banues në Lezhë; B.K., 35 vjeçe, banuese në Kosovë dhe i mituri A.K., të cilët ndodheshin si pasagjerë në të dy mjetet. Grupi hetimor vazhdon veprimet në vendngjarje për sqarimin e rrethanave të aksidentit.