Diplomatët e Kosovës në Zvicër i dhanë lamtumirën Florijana Ismailit

Në ceremoninë lamtumirëse është përfaqësuar edhe Ambasada e Republikës së Kosovës në Bernë dhe Konsullata e Kosovës në Cyrih

Në ceremoninë e ndarjes nga fubollistja shqiptare e Kombëtares së Zvicrës, Florijana Ismaili të mbajtur në Worben të Bernës kanë marrë pjesë qindra njerëz, miq, të njohur, bashkëlojtarë të saj, ashtu si dhe shumë shqiptarë nga e gjithë Zvicra, shkruan albinfo.ch

Në këtë ceremoni është përfaqësuar edhe Ambasada e Republikës së Kosovës në Zvicër. Në emrin e saj “ka marrë pjesë një delegacion prej tre diplomatësh, i cili u ka shprehur ngushëllimet e thella prindërve, familjarëve dhe ekipit futbollistik të Florijanës, si dhe ka vënë një kurorë lulesh në shenjë nderimi e respekti për veprën dhe emrin e saj. Lamtumirë Florijana!”, thuhet në një postim në FB, të bërë nga Ambasada e Republikës së Kosovës në Bernë.

Ndërsa nga Konsullata e Kosovës në Cyrih, në këtë ceremoni ka marrë pjesë konsullja, Shukrije Ramadani, shkruan albinfo.ch  Ja se çfarë shkruan ajo në një postim të saj në FB: “Në emër të Konsullatës së Kosovës në Cyrih si dhe të familjes Ramadani, mora pjesë në varrimin e yllit të futbollit të femrave në Ch, Florijana Ismaili-t. Dhembja që mbulonte çdo të pranishëm në sallë dhe jashtë sajë ishte e rëndë sa vet tragjedia. Pusho e qetë Flori,ti arrite majat e suksesit. Mbesim krenarë me sukseset tua!”

 

 

---