Qeveria gjermane deklarohet rreth gjendjes shëndetësore të Angela Merkelit

EPA/FELIPE TRUEBA

Kancelarja gjermane, Angela Merkel, është parë të dridhet për herë të tretë brenda pak muajve.

Trupi i saj po dridhej gjatë një takimi me kryeministrin finlandez, Anthony Rine.

Zëdhënësi i Qeverisë gjermane njoftoi se gjendja shëndetësore e kancelares është e mirë.

Skena të dridhjes kancelarja 65-vjeçare i përjetoi edhe në takimet e 27 qershorit, kur ajo qëndronte pranë presidentit gjerman Frank-Walter Steinmeier, në një ceremoni për të emëruar një ministër të ri të Drejtësisë.

Pothuajse e njëjta skenë u zhvillua ndërsa Merkel e mirëpriti presidentin e Ukrainës, Volodimir Zelensky, dhjetë ditë më parë.

Merkel qëndroi pranë Zelensky në diell, ndërsa grupi ushtarak intonoi himnet e Gjermanisë dhe Ukrainës, kur ajo filloi të dridhej.