Lajme
Shoferët zviceranë pinë më shumë alkool dhe ngasin më shpejt makinat
21.6% nga 1020 zviceranët e anketuar, kanë deklaruar se kanë ngarë veturën edhepse kishin pirë më shumë alkool se që është e lejuar. Në BE janë 13.1% të tillë
Një studim evropian i publikuar së fundi i vendos shoferët zviceranë të automjeteve në një pozitë jo shumë të mirë sa u përket shprehive të ngarjes. Kështu, siç shkruan “Sonntagszeitung”, 21.6% nga 1020 zviceranët e anketuar, kanë deklaruar se gjatë 30 ditëve të fundit kanë ngarë veturën edhepse kishin pirë më shumë alkool se që është e lejuar.
Në 20 vendet tjera evropiane me të cilat merret studimi në fjalë, ka rezultuar se një qasje të tillë ndaj alkoolit e kanë pasur 13.1% të të anketuarve, transmeton albinfo.ch. Veç kësaj, “rreziku” për t`iu nënshtruar një testi të alkoolit në gjak, në Zvicër është më i ulët se kudo në shtetet e BE-së. Kështu, në Zvicër gjatë vitit 2018 vetëm 12.7% të të anketuarve janë detyruar të testohen për alkool në komunikacion, ndërsa në BE, kjo mesatare ka qenë 18%.
Edhe sa i përket shkeljes së kufizimit të shpejtësisë në kominikacion, zviceranët qëndrojnë më keq se evropianët tjerë, konstaton studimi, përcjell albinfo.ch. 75.5% të zviceranëve të anketuar, kanë pranuar se në 30 ditët e fundit së paku nga një herë kanë ngarë makinën në autostrada, më shpejt se që është e lejuar. Mesatarja evropiane është pak mbi 60%.
“Megjithëse rezultatet janë brengosëse, ajo që është më me rëndësi për sigurinë në komunikacion është se numri i aksidenteve të rënda në Zvicër ka shënuar rënie viteve të fundit”. Kështu ka deklaruar për gazetën, Nicolas Kessler nga Këshillimorja për mbrojtje nga aksdintete BFU.
Të ngjashme
Të tjera nga Lajme
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Rritje 293 për qind e studentëve të huaj në Universitetin e Cyrihut ETH-të në Cyrih dhe Lozanë duhet të kursejnë para. Këshilli Federal vendosi së fundmi uljen e...
-
Nëntë kilometra bllokim trafiku përpara tunelit Gotthard
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve