Solothurn: Ndalohen dy persona të dyshuar për vjedhje, dolën të pafajshëm

Ilustrim

Një video, e cila kishte qarkulluar nëpër media zvicerane, kishte treguar një operacion spektakular të policisë në Solothurn.

Kjo pasi që policët e armatosur po u bënin thirrje dy personave në një veturë të dilnin nga makina e tyre dhe të shtriheshin në tokë.

Njërit person kjo i kishte ngjallur çudi. Në videon e dërguar në gazetën zvicerane “20 minuta”, ai kishte thënë se “ky gjest ishte diçka që nuk e shihnin çdo ditë”.

Sipas gazetës zvicerane, policia kantonale në Solothurn kishte konfiruar angazhimin e tyre.

Ata kishin thënë se dy persona të dyshuar kishin grabitur një çantë në një restorant dhe janë larguar.

Një patrullë policie zbuloi dy persona të dyshimtë në një makinë në Niedergösgen dhe ndaloi automjetin. “Të dy pasagjerët u pyetën për armë në makinë”.

Meqenëse nuk e dinin nëse ishin të armatosur apo ishin ndryshe të rrezikshëm, ata duhej të shtriheshin në tokë.

“Më vonë doli që të dy personat nuk kishin asnjë lidhje me vjedhjen dhe janë të pafajshëm”.