Bota
Franca po përpiqet të shpëtojë marrëveshjen me Iranin
Zarif tha se Irani nuk do të rinegociojë marrëveshjen bërthamore
Ministri i Jashtëm i Iranit, Mohammad Javad Zarif, thotë se bisedimet me presidentin francez, Emanuel Macron, që synojnë të shpëtojnë një marrëveshje ndërkombëtare të vitit 2015, ishin “produktive”.
“Franca ka paraqitur disa sugjerime dhe ne prezantuam disa sugjerime se si të zbatohet [marrëveshja bërthamore] dhe hapat që të dyja palët duhet të ndërmarrin”, u citua Zarif nga media iraniane, përcjell albinfo.ch
Zarif tha se Irani nuk do të rinegociojë marrëveshjen bërthamore, të cilën nënshkruesit evropianë janë përpjekur ta mbajnë gjallë pas daljes së Uashingtonit vitin e kaluar.
Pas daljes nga marrëveshja, SHBA-ja rivendosi sanksione Teheranit.
Zyrtarët amerikanë kanë thënë se marrëveshja i mundësonte Iranit të posedojë armë bërthamore.
Macron ka dërguar dy herë këshilltarin e tij diplomatik, Emmanuel Bonne, në Teheran për bisedime me zyrtarët iranianë kohët e fundit në përpjekjet për ta mbajtur marrëveshjen gjallë.
Takimi në Paris vjen një ditë përpara fillimit të një samiti tre-ditor të G7 (shtatë vendet më të industrializuara të botës) në qytetin francez të Biarritzit.
Përkundër faktit se Irani ka thënë se po i përmbahet marrëveshjes bërthamore, më 22 gusht, ka prezantuar një sistemi të ri raketor, të ndërtuar në nivel lokal.
Presidenti iranian, Hassan Rohani, ka thënë në një fjalim se sistemi raktor tokë-ajër është krijuar meqenëse “armiqtë e Iranit nuk e kuptojnë logjikën, as ne nuk do të përgjigjemi me logjikë”.
Shtetet e Bashkuara e konsiderojnë Iranin si sponsorizuesin kryesor të terrorizmit në rajon, dhe kanë thënë se nuk do të lejojnë kurrë që Teherani të posedojë armë bërthamore.
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore