Haradinaj tregon pse e ka dërguar djalin në shkollë private

Kryeministri në detyrë, Ramush Haradinaj, ka dhënë sqarime pse ka dërguar djalin e tij në një gjimnaz privat e jo në shkollë publike

Kryeministri në detyrë, Ramush Haradinaj, ka dhënë sqarime pse ka dërguar djalin e tij në një gjimnaz privat, e jo në shkollë publike.

Haradinaj ka deklaruar se ka disa vjet që punon të sjellë shkolla të huaja në Kosovë, jo veç të Amerikës e Anglisë, por edhe të Gjermanisë dhe sistemit shkollor të tyre.

“Kam bo përpjekje të dërgojmë një kualitet i nevojave gjermane është i nevojshëm. Gjini (djali i tij) është një porosi që i dëshirojmë në këtë shkolla, i japim besimin dhe i mirëpresim. Nuk është shkollë private në kuptimin profitabil, dhe profesorët e arsimtarët paguhen nga buxheti i Kosovës”, ka deklaruar Haradinaj në RTV Dukagjini.

Ai ka thënë se paguan për djalin në këtë shkollë si çdo prind tjetër.

Haradinaj, së bashku me gruan Anitën, e kanë përcjellë djalin e tyre Gjinin në ditën e parë në Gjimnaz. Çmimi vjetor për regjistrim në këtë shkollë është 1500 euro, përcjell Albinfo.ch.

---