Lajme
Gjykohet për tregti me armatim: I janë gjetur 280 armë dhe 1.3 milion franga
Në Gjykatën e Qarkut në Wil, St. Gallen, ka filluar sot gjykimi i një zvicerani 63 vjeçar, të akuzuar për shitje ilegale të armëve në Austri. Me rastin e bastisjes së shtëpisë së tij, poliica ka gjetur një arsenal të tërë armësh dhe 1.3 milion franga para të gatshme
Policia e St.Gallenit kishte filluar hetimet ndaj një zvicerani 63-vjeçar, i pensionuar para kohe, në korrik të vitit 2017, pasi që autoritetet austriake i kishin rënë atij në gjurmë, shkruan sda.ch. Në një bastisje që i ishte bërë shtëpisë së tij në Degersheim, në dhjetor të vitit 2017, policia kishte gjetur një arsenal të tërë armësh dhe municioni. Bëhet fjalë për 280 armë të ndryshme dhe për rreth më shumë se 100 mijë njësi municioni.
Aty kishte pasur edhe armë të ndaluara, si mitralozët ose pjesë armësh, si shurdhues (silenciatorë), armë të tjera, për të cilat kërkohet leja etj., transmeton albinfo.ch. Veç armëve, në shtëpinë e të përmendurit janë gjetur edhe 1.3 milion franga para të gatshme.
I akuzuari dyshohet se i ka shitur një turku me qëndrim në Austri së paku pesë armë, pa bërë kontratë me shkrim. Ai e ka ditur, sipas prokurorisë, se armët do të shkojnë në qarqe të dyshimta dhe atje do të përdoren për krime.
I akuzuari po përgjigjet për rrezikim të shumëfishtë të sigurisë publike me armë dhe për shkelje të shumëfishtë të Ligjit mbi armëmbajtjen.
Në procesin gjyqësor që ka filluar sot, 63-vjeçari ka folur fare pak. “Të gjitha ia kam thënë prokurorit”, është shprehur ai, përcjell albinfo.ch. Megjithatë, numrin e madh të armëve që i janë gjetur në shtëpi, i akuzuari e ka shpjeguar duke thënë se ishte i pasionuar pas armëve dhe mbante koleksion të tyre. Ndërsa ka pranuar shitjen e vetëm një arme gjuetie dhe këtë e quan gabim të vetëm të tij.
Vendimi gjyqësor për të do të shpallet pasditen e sotme.
(Foto: Kapo St. Gallen)
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Deputetët e Gjenevës shprehen kundër dhënies së të drejtave të plota politike për të huajt Banorët e vjetër të qytetit dhe kantonit më ndërkombëtar të Zvicrës tashmë kanë të drejtë të...
-
SBB aktualisht nuk shet bileta për biçikleta për udhëtime jashtë vendit
-
Stuhia e vitit të kaluar në La-Chaux-de-Fonds shkaktoi 120 milionë franga dëme
-
Kaosi i tifozëve të Servette në ndeshjen e futbollit, i dyshuari mund të akuzohet
-
Dëmtimi i bustit të Skënderbeut në Gjenevë, reagon Ambasadori i Shqipërisë