Kosova
Punëtorët e Trepçës, pa paga
Mungesa e pagës së muajit gusht, ka bërë që rreth 500 punëtorë të mbesin pa të hollat të cilat i meritojnë
Trepça ka një staf më të gjerë se vetëm minatorët, ajo ka stafin administrativ, sigurimin, stafin e njësive biznesore, duke përfshirë punëtorët e industrisë kimike, fabrikës së akumulatorëve e ata të pajisjeve përcjellëse.
Kanë kaluar më shumë se dy javë që kur muaji gusht ka përfunduar, por për një pjesë të madhe të punëtorëve të Trepçës kanë kaluar më shumë se një muaj e gjysmë që në llogaritë bankare nuk janë depozituar paratë e djersës së tyre.
E faktin se rrogat e punëtorëve ende nuk janë lëshuar, e ka konfirmuar edhe kryetari i Sindikatës së Punëtorëve të Trepçës, Shyqyri Sadiku. I kontaktuar nga Express, ai ka thënë se rrogat për muajt e kaluar janë dhënë, por për muajin gusht jo.
“Realisht deri tani i kemi marrë rrogat për muajt paraprak, për muajin gusht nuk i kemi marrë”, tha Sadiku.
Ai tregoi se rrogat janë lëshuar vetëm për minatorët, të cilët punojnë nën nivelin mbikëqyrës, ndërsa ata që punojnë mbi atë nivel, duke përfshirë sigurimin, njësitë biznesore, administratën, fabrika e industri të ndryshme nuk janë paguar.
“Nga niveli mbi mbikëqyrës e lartë nuk i kanë marrë pagat. Këtu përfshihen njësitë si sigurimi, njësitë biznesore që përfshihen industria kimike, fabrika e akumulatorëve dhe pajisjeve përcjellëse. As administrate nuk i ka marrë pagat”, deklaroi ai.
Mungesa e pagës së muajit gusht ka bërë që rreth 500 punëtorë të mbesin pa të hollat të cilat i meritojnë.
“Këtu nuk përfshihen 500 persona që punojnë në minierë, e që i bie që numri i personave që nuk janë paguar të jetë rreth 500”, tha Sadiku.
Ligji për Trepçën u miratua më 7 tetor të vitit 2016 në Kuvendin e Kosovës me 79 vota për dhe 14 abstenime. Ky ligj e përcakton se qeveria është pronare e 80% të aksioneve, përcjell Albinfo.ch.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse