Lajme
Iniciativë kundër azilit dhe për strehim të refugjatëve në `zona të mbrojtura`
Kjo iniciativë kërkon që Zvicra së bashku me vendet tjera të angazhohen dhe të marrin pjesë në përkujdesjen e refugjatëve në qendrat për ndihmë që do të hapeshin në vendet e prejardhjes ose afër tyre
Azilkërkuesit në të ardhmen do të duhej të strehoheshin në të ashtuquajturat “zona të mbrojtura” në vendet e tyre të prejardhjes ose në afërsi të tyre. Këtë kërkesë e ka në thelb një iniciativë popullore në nivel nacional e iniciuar nga qarqet e Partisë Popullore të Zvicrës (SVP), e cila është prezantuar sot në Bernë, shkruan sda.ch.
Kjo iniciativë kërkon që Zvicra së bashku me vendet tjera të angazhohen dhe të marrin pjesë në përkujdesjen e refugjatëve në qendrat për ndihmë që do të hapeshin në vendet e përmendura, transmeton albinfo.ch. Në këtë mënyrë njerëzve mund t`u ndihmohet shumë më mirë se po të sillen ata në Zvicër, thuhet më tutje në arsyetimin e iniciativës.
Ndërsa në Zvicër, azilkërkuesit që nuk mund të dëbohen në vendet e treta, duhet të mbështeten vetëm “në natyrë”, gjegjësisht me artikuj ushqimorë dhe të tjerë, por pa të holla. Ata do të trajtoheshin kështu deri në momentin kur do të jenë në gjendje të jetojnë nga puna e tyre.
Më tutje, ideja e komitetit iniciues është që: në vend se migrantët ose azilkërkuesit të mbështeten financiarisht në Zvicër, më mirë do të ishte që të investohet në vendet e prejardhjes në arsim, shëndetësi ose infrastrukturë, përcjell albinfo.ch. Në këtë mënyrë paraja do të përdorej në mënyrë më eficiente dhe në vend se të ndihmohen disa individë, do të ofrohej “pafundësisht shumë ndihmë” në vendet e përmendura
Në komitetin që ka ngritur këtë iniciativë, përveç personave privatë bëjnë pjesë edhe politikanë të njohur të SVP-së si: Luzi Stamm, Lukas Reimann, Barbara Keller-Inhelder, Andrea Geissbühler dhe Therese Schläpfer.
Të ngjashme
Të tjera nga Lajme
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse