Sport
Vedat Muriqi është bërë objektiv i klubeve të mëdha evropiane
Rizespori e kërkon hisen e tij nëse Fenerbahçe e shet Muriqin
Rizespori do ta kërkojë hisen e tij nëse Fenerbahçe e shet Vedat Muriqin. Klubi turk i kërkon 15% të parave nëse gjiganti nga Stambolli e shet përfaqësuesin kosovar në Tottenham apo Manchester United, dy klubet që po thuhet se e duan sulmuesin prizrenas
Vedat Muriqi është bërë objektiv i klubeve të mëdha evropiane pas paraqitjeve mbresëlënëse me Fenerbahçen dhe Përfaqësuesen e Kosovës, shkruan Gazeta Express.
Në fakt, sulmuesi kosovar ka realizuar dy gola me ekipin turk në sezonin e ri dhe dy të tjerë me Përfaqësuesen e Kosovës.
Ai shkëlqen në fitoren ndaj Republikës Çeke në fillim të shtatorit duke shënuar gol, ndërsa kundër Anglisë dhuroi dy asistime për Valon Berishën dhe shënoi gol nga penalltia, të cilën e nxori vetë.
Në stadiumin e Southamptonit, sulmuesin prizrenas e kanë ndjekur skautët e Tottenhamit dhe Manchester Unitedit raporton Gazeta Express.
Prandaj, ka mundësi që sulmuesi shtatlartë ta vazhdojë karrierën në Premierligë.
E këtij transferimi do t’i gëzohej shumë edhe Rizespori, klubi i deridjeshëm i Muriqit.
Drejtuesit e klubit turk po i fërkojnë duart pasi në rast se futbollisti shitet në Angli, ata do ta kërkojnë hisen e tyre.“Siç dihet, nëse Fenerbahçe e shet lojtarin në Evropë, ne na takojnë 15% e shumës së shitjes së lojtarit. Ky fakt na bën ne të lumtur”, ka thënë presidenti i Rizesporit, Hasan Kartal për “Hürriyet”.
Mediat turke kanë shkruar se Fenerbahçe ia ka vendosur Muriqit çmimin e klauzolës për shkëputjen e kontratës prej 50 milionë eurosh percjell Albinfo.ch.
Të ngjashme
Të tjera nga Sport
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut