Labi ia dhuron pagën Yllka Letit

Kandidati për deputet nga radhët e AAK-së, Labinot Tahiri, ka thënë që pikturat do t’i blejë që njerëzit e tjerë ta bëjnë edhe më shumë këtë gjë

Pikturat e artistes së vogël Yllka Letit, e cila i shet ato për të siguruar mjete që t’i blejë barnat për shërimin e sëmundjes që ka, kësaj radhe disa prej tyre ka vendosur t’i blejë ish-deputeti Labinot Tahiri, shkruan Gazeta Insajderi.

Por, përveç blerjes së pikturave, pagën e këtij muaji, Tahiri ka vendosur që t’ia japë asaj.

Duke bërë thirrje edhe te njerëzit e tjerë vullnetmirë, Tahiri, në rrjetin social Facebook, ka thënë se ai nuk blen vota, por dhuron para.

“Unë nuk blej vota, por dhuroj paratë për rastet të tilla. Kësaj radhe dhuroj prapë si shumë raste të tjera, pagën e këtij muaji të deputetit. Këtë e bëj se dua ta kujtoj tërë jetën se sa isha deputet, kam ndarë nga vetja atë rrogë që u takon fëmijëve të popullatës sonë, se nesër më nuk i dihet se si ndodh”, ka shkruar ndër të tjera ai.

Kandidati për deputet nga radhët e AAK-së, Labinot Tahiri, ka thënë që pikturat do t’i blejë që njerëzit tjerë ta bëjnë edhe më shumë këtë gjë.

“Yllkës për pikturat të cilat ajo i shet për t’i siguruar paratë për barnat e saj, do t’ia dhuroj pagën time dhe do të shkoj t’i blej disa piktura, me qëllim që masa të bëjnë edhe me shumë një gjë të tillë”, përfundon Tahiri, përcjell Albinfo.ch.

---