Bota
Austria, iniciativë për mbylljen e organizatave myslimane
Kuvendi Kombëtar i Austrisë ka miratuar një mocion, i cili parasheh inspektimin dhe mbylljen e Unionit Turk Islam për Kulturë dhe Ndihmë Sociale (ATİB) dhe shoqatave të subjektit “Milli Görüş” në rast të ndonjë situate të paligjshme, raporton Anadolu Agency (AA).
Mocioni u miratua në mbledhjen e fundit në Parlament para zgjedhjeve të së dielës, ku u diskutuan propozime nga parti të ndryshme në lidhje me luftën kundër ekstremizmit, përcjell albinfo.ch.
Propozimi për mbylljen e disa organizatave të myslimanëve u prezantua nga ana e partisë Liste Jetzt, e cila në zgjedhjet e fundit arriti të siguronte vende në Kuvend, duke shfaqur qëndrim kundër Turqisë, ndërsa u miratua me vota të Partisë Popullore të Austrisë (ÖVP), subjekt i qendrës së djathtë, si edhe nga ai i ekstremit të djathtë, Partia e Lirisë e Austrisë.
Në mocion, organizatat e myslimanëve janë quajtur si “shoqata islamiste”, ndërsa në të kërkohet inspektimi i ATİB dhe shoqatave të lëvizjes “Milli Görüş” dhe mbyllja e tyre në rast të identifikimit të ndonjë shkeljeje ligjore.
Mocioni, aktualisht ka karakter të rekomandimit për Qeverinë aktuale dhe nuk ka ndonjë fuqi sanksionuese.
Ndryshe, masa në fjalë miratohet në Parlament vetëm katër ditë para zgjedhjeve nga një qeveri kalimtare, mandati katërmujor i së cilës do të përfundojë pas votimit të së dielës.
Siç është komentuar, iniciativa për mbylljen e organizatave islame është ndërmarrë nga Partia Liste Jetzt për të kthyer mbështetjen e humbur, pasi anketat deri më tani kanë treguar se ajo do të marrë vetëm 2 për qind të votave dhe nuk do të arrijë të hyjë në Kuvend.
Propozimi për shoqatën neonaziste nuk u miratua
Paralelisht, në Parlament u prezantua edhe një propozim tjetër për ndalimin e Lëvizjes Identitare neonaziste. Megjithatë, Kuvendi nuk e miratoi mocionin që parashihte mbylljen e këtij subjekti, i cili ka kryer sulme të ndryshme ndaj organizatave të myslimanëve në vend dhe në të cilin janë zbuluar lidhje me terroristin australian, i cili masakroi 51 myslimanë në Zelandën e Re.
Të ngjashme
Të tjera nga Bota
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla