Kadri Veseli e Isa Mustafa në krye të institucioneve

Me 71 vota për, 42 kundër dhe 1 abstenim, ish shefi i Shërbimit Informativ të Kosovës (SHIK), Kadri Veseli është zgjedhur kryetar i Kuvendit të Kosovës

Gjashtë muaj pas zgjedhjeve të jashtëzakonshme parlamentare, dy partitë më të mëdha politike të Kosovës, LDK dhe PDK kanë nënshkruar marrëveshjen për bashkëqeverisje. Dhe menjëherë pas marrëveshjes u organizua seanca inauguruese e Kuvendit të Kosovës, e cila e zgjodhi me shumicë votash Kadri Veselin, kryeparlamentar.

Me 71 për, 42 kundër dhe 1 abstenim, ish shefi i Shërbimit Informativ të Kosovës (SHIK), Kadri Veseli është zgjedhur kryetar i Kuvendit të Kosovës.

Ndërsa nga marrëveshja LDK-PDK, e nënshkruar nga dy liderët, Isa Mustafa dhe Hashim Thaçi, Mustafa do të propozohet për kryeministër ndërsa pas dy vitesh, Hashim Thaçi do të votohet për postin e presidentit, pasi që Aatifete Jahjagës t’i kaloj mandati.

Në fjalën e tij Veseli premtoi respektim të fjalës së deputetëve të pozitës e të opozitës dhe respektim të ligjeve e të rregulloreve.

Përveç kryeparlamentari Kuvendi zgjodhi edhe tre nënkryetar, Xhavit Halitin nga PDK,  Sabri Hamitin nga LDK dhe Glauk Konjuvcën nga Vetëvendosje.

Partitë opozitare kanë lëshuar sallën e Kuvendit, para se kryetari i ri i Kuvendit, Kadri Veseli ta fillonte fjalimin e tij, ndërsa në sallë mbetën vetëm deputetët e koalicionit PDK-LDK. Visar Ymeri nga Lëvizja Vetëvendosje, tha Kuvendi sot votoi njeriun e nëntokës duke bërë një krim të madh për demokracinë.