Bota
Sa refugjatë humbën jetën duke kaluar përmes detit
Vitin e kaluar 84 345 refugjatë dhe migrantë ishin në gjendje të arrinin në Evropë përmes Detit Mesdhe
Të paktën 72 263 migrantë dhe refugjatë të parregullt arritën në Evropë përmes detit në nëntë muajt e parë të vitit 2019, bëri të ditur Agjencia e Migracionit e OKB-së.
Sipas raportit të lëshuar nga Organizata Ndërkombëtare për Migracionin (IOM), 1 041 prej tyre humbën jetën në det.
Gjatë periudhës së njëjtë të vitit të kaluar, afër 84 345 refugjatë dhe migrantë ishin në gjendje të arrinin në Evropë përmes Detit Mesdhe, ndërsa 1 890 prej tyre u mbytën në det, transmeton ATSH.
Këtë vit, 39 155 migrantë dhe refugjatë të parregullt mbërritën në Greqi, më shumë se gjysma e mbërritjeve të përgjithshme, përcjell albinfo.ch.
“Këto arritje, brenda nëntë muajve të vitit 2019, janë më shumë se dy nga gjashtë vitet e fundit”, thuhet në raport.
Në rrugën Mesdhetare Lindore, numri i vdekjeve raportohet të ketë arritur 66 në vitin 2019. Në rrugën perëndimore, Spanja pranoi 17 405 migrantë dhe refugjatë të parregullt.
Numri i vdekjeve të raportuara në rrugën e Mesdheut Perëndimor ishte 315, krahasuar me 511 në vitin 2018.
Sipas raportit të IOM-it, rreth 8 000 migrantë deri tani kanë hyrë në Itali këtë vit. Rreth 21 100 migrantë hynë në vend gjatë periudhës së njëjtë në vitin 2018.
Malta pranoi mbi 2 800 refugjatë dhe migrantë këtë vit, duke spikatur nga periudha e njëjtë e vitit të kaluar e cila pati 714 ardhje.
Vdekjet në rrugën mesdhetare qendrore u ulën në 660 në vitin 2019, krahasuar me 1 261 në të njëjtën periudhë të vitit të kaluar.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse