Në mesnatë pritet të përfundojë numërimi i votave të diasporës

Në Qendrën e Numërimit dhe Rezultateve po vazhdon numërimi i votave të ardhura nga diaspora

Deri tani, nga 13491 vota, janë numëruar rreth 40% e tyre.

Zëdhënësi i KQZ-së, Valmir Elezi, ka thënë për Indeksonline se po shpresojnë se sonte do të arrijnë ta përmbyllin numërimin e këtyre votave.

Ai ka thënë se pas numërimit të votave të diasporës, do të nisë numërimi edhe i votave me kusht dhe atyre të personave me aftësi të kufizuara, shkruajnë mediat kosovare, përcjell albinfo.ch.

---