Lajme
Fruthi në Zvicër ua ka marrë jetën dy personave
Nga janari deri në fund të shtatorit 2019 janë numëruar 214 raste të të prekurve nga fruthi. Një vit më parë kanë qenë 34, ose 6 herë më pak
Zyra Federale e Shëndetësisë (BAG) ka regjistruar në nëntë muajt e parë të këtij viti plot gjashtë herë më tepër raste të fruthit në krahasim me periudhën e njëjtë të vitit të kaluar, shkruan srf.ch. Dhe kjo po ndodh në një kohë kur kjo sëmundje, që gabimisht perceptohet sikur i prek vetëm fëmijët, konsiderohet si e çrrënjosur.
Nga janari deri në fund të shtatorit 2019 BAG ka numëruar 214 raste të të prekurve nga fruthi, transmeton albinfo.ch. Në nëntë muajt e parë të vitit 2018 kanë qenë vetëm 34 raste të tilla.
Rastet e fruthit janë paraqitur në 13 kantone. Më së shumti ka pasur në Kantonin e Bernës, 83 raste.
Sipas BAG, 20 për qind të të prekurve nga kjo sëmundje kanë qenë më të rinj se dhjetëvjeçarë. Ndërsa 23% të tyre, në mes të moshave 10 dhe 19-vjeçare dhe shumica e madhe, ose 57 % kanë qenë më të vjetër se 20-vjeçarë.
Se sëmundja e fruthit nuk bën të neglizhohet tregon fakti se sivjet në Zvicër kanë ndodhur dy raste të vdekjes nga ky infeksion, transmeton albinfo.ch. Në rastin e parë fjala ka qenë për një 30-vjeçar të pavaksinuar si fëmijë, i cili është infektuar me fruth nga familjarët e tij. 67 orë pas infektimit ai është vaksinuar, por kjo vaksinë i ka ardhur tepër vonë. Ai ka vdekur në shtëpi pak kohë pas shfaqjes së simptomave të para.
Në rastin e dytë, nga kjo sëmundje ka vdekur një burrë 70-vjeçar, i cili kishte imunitet të dobësuar për shkak të sëmundjes së kancerit, përcjell albinfo.ch. Ai ka vdekur pak ditë pasi kishte pësuar një ndezje të mushkërive të shkaktuar nga fruthi.
Po kështu gjatë nëntë muajve të deritashëm në Zvicër janë hospitalizuar 45 veta të prekur nga fruthi.
Të ngjashme
Të tjera nga Lajme
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Bashkëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale