Rama në Davos të Zvicrës: BE-ja ka nevojë për Ballkanin Perëndimor

Në Davos të Zvicrës, Edi Rama tha se BE ka nevojë për Ballkanin Perëndimor, po aq sa ne kemi nevojë për BE

Kryeministri Edi Rama ka bërë të ditur se mori pjesë në Forumin e Davosit të Zvicrës për Dialogun Strategjik mbi Ballkanin Perëndimor, ku është shprehur se BE ka nevojë për Ballkanin aq sa ç’kemi ne nevojë për Evropën.

Ndër të tjera, kreu i qeverisë shqiptare tha se vendet tona nuk janë gati të anëtarësohen, nëse loja e meritokracisë shndërrohet në lojë në e fajësimit

“BE ka nevojë për Ballkanin Perëndimor po aq sa ne kemi nevojë për BE-në. Ata që nuk e kuptojnë këtë, nuk kuptojnë mirë çfarë është në lojë apo cilat janë sfidat e sotme dhe të së ardhmes. Në këtë moment, vërtet që ndihemi si një varkë në mes të detit, pasi na e kanë marrë me forcë busullën. Për ne ka shumë rëndësi ta dimë me saktësi, është e qartë që, nëse procesi i integrimit evropian është karakterizuar në 5-6 vjetët e fundit, të paktën nga gjithmonë e më shumë paparashikueshmëri, ajo që ndodhi në tetor e bëri plotësisht të paparashikuar. Ndërsa flasim, nuk kemi më mundësi të dimë së çfarë duhet të bëjmë për të marrë atë që kërkojmë, pasi është e qartë që natyra e vendimeve në KE është shumë më e përcaktuar nga vetë vendet anëtare të BE-së. Vendet tona nuk janë gati të anëtarësohen, nëse loja e meritokracisë shndërrohet në lojë të fajësimit. Ne e nisëm këtë proces, se na detyruan vendet e BE-së, por sepse ishte ajo që i duhej popullit tonë, kombit tonë. Nuk mendoj se meqë ne e kemi më të vështirë, duhet të qajmë apo të lutemi, sepse në fund të fundit, e bëjmë për fëmijët dhe brezat e ardhshëm”, përcjell albinfo.ch.

---